పాల్గొన్న చెరుకు స్వాతి-శివకుమార్ దంపతులు

చౌటుప్పల్ మున్సిపాలిటీలోని 13వ వార్డు వలిగొండ రోడ్డులో ఉన్న వెంకటరమణ కాలనీలో శుక్రవారం అన్నదాన కార్యక్రమాన్ని నిర్వహించారు. ఈ కార్యక్రమానికి ముఖ్య అతిథులుగా హాజరైన చెరుకు స్వాతి-శివకుమార్ దంపతులు కాలనీవాసులతో కలిసి ప్రత్యేక పూజా కార్యక్రమాల్లో పాల్గొన్నారు. అనంతరం భక్తులకు అన్నప్రసాద వితరణ చేపట్టారు.​ఈ సందర్భంగా వారు మాట్లాడుతూ.. అన్నదానం చేయడం ఎంతో పుణ్యఫలమని, ఇలాంటి ఆధ్యాత్మిక కార్యక్రమాలు కాలనీవాసుల మధ్య సోదరభావాన్ని పెంపొందిస్తాయని పేర్కొన్నారు. కార్యక్రమాన్ని ఘనంగా నిర్వహించిన అన్నదాన పోషకులు జోర్కా రాజు-లహరి దంపతులకు, తమను ఆహ్వానించిన నిర్వహణ కమిటీ సభ్యులకు స్వాతి-శివకుమార్ దంపతులు ప్రత్యేక ధన్యవాదాలు తెలిపారు. ఈ కార్యక్రమంలో కాలనీవాసులు, భక్తులు పెద్ద సంఖ్యలో పాల్గొన్నారు.