నారాయణఖేడ్ నియోజకవర్గంలో మానూర్ మండల పరిధిలోని బోరంచ గ్రామ ఎస్సీ కాలనీలో నెలకొన్న తాగునీటి సమస్యకు పరిష్కారం లభించింది. కాలనీవాసులు తమ సమస్యను గ్రామ సర్పంచ్ పంచగామ బీరప్ప దృష్టికి తీసుకెళ్లగా, ఆయన వెంటనే స్పందించి జహీరాబాద్ పార్లమెంట్ సభ్యులు సురేష్ కుమార్ షేట్కార్, నారాయణఖేడ్ ఎమ్మెల్యే డాక్టర్ పి. సంజీవరెడ్డి దృష్టికి సమస్యను తీసుకెళ్లారు. వెంటనే స్పందించిన ఎంపీ, ఎమ్మెల్యే సూచనలతో సర్పంచ్ పంచగామ బీరప్ప స్వయంగా దగ్గరుండి బోర్ మోటార్‌ను బిగించి ప్రారంభించారు.దీంతో ఎస్సీ కాలనీ ప్రజలకు తాగునీటి సమస్య పరిష్కారమై నీటి సౌకర్యం అందుబాటులోకి వచ్చింది. సమస్యను వెంటనే పరిష్కరించిన ఎంపీ సురేష్ కుమార్ షేట్కార్, ఎమ్మెల్యే డాక్టర్ పి. సంజీవరెడ్డి, సర్పంచ్ పంచగామ బీరప్పకు కాలనీవాసులు ప్రత్యేకంగా ధన్యవాదాలు తెలిపారు. కార్యక్రమంలో వార్డు సభ్యులు,గ్రామ పంచాయతీ కార్యదర్శి సంతోష్, గ్రామ పెద్దలు, గ్రామస్తులు, యువత, యువకులు తదితరులు పాల్గొన్నారు.