చిట్యాల: నల్గొండ జిల్లా చిట్యాల మండల తెలంగాణ ప్రైవేట్ టీచర్స్ ఫోరం (టిపిటిఎఫ్) అధ్యక్షుడు నర్రా బిక్షం రెడ్డి జన్మదిన వేడుకలను ప్రైవేట్ టీచర్స్ ఫోరం సభ్యులు ఘనంగా నిర్వహించారు. ఈ సందర్భంగా బిక్షం రెడ్డిని శాలువాతో సత్కరించి, కేక్ కట్ చేసి జన్మదిన శుభాకాంక్షలు తెలిపారు. ఈ సందర్భంగా సభ్యులు మాట్లాడుతూ కరోనా కాలంలో ప్రైవేట్ ఉపాధ్యాయులు ఎదుర్కొన్న సమస్యల పరిష్కారానికి నర్రా బిక్షం రెడ్డి చేసిన కృషిని కొనియాడారు. ప్రైవేట్ ఉపాధ్యాయుల సమస్యల పరిష్కారం కోసం ఆయన నిరంతరం కృషి చేస్తున్నారని పేర్కొన్నారు. ఆయన ఆయురారోగ్యాలతో మరిన్ని పుట్టినరోజులు జరుపుకోవాలని ఆకాంక్షించారు. ఈ కార్యక్రమంలో టిపిటిఎఫ్ సభ్యులు బాలగోని లింగయ్య, ఉయ్యాల చంద్రశేఖర్, కూనూరు మధు, సుర్కంటి నర్సిరెడ్డి తదితరులు పాల్గొన్నారు.