తాళ్లవెల్లంల: వీరనారి చాకలి ఐలమ్మ 41వ వర్ధంతి వేడుకలను తాళ్లవెల్లంల గ్రామ రజక సంఘం ఆధ్వర్యంలో గురువారం ఘనంగా నిర్వహించారు. ఈ సందర్భంగా ఐలమ్మ చిత్రపటానికి పూలమాలలు వేసి రజక సంఘ నాయకులు, సభ్యులు ఘన నివాళులర్పించారు.

నిజాం నిరంకుశ పాలనకు వ్యతిరేకంగా పోరాడిన చాకలి ఐలమ్మ మహిళా శక్తికి ప్రతీకగా నిలిచారని వారు పేర్కొన్నారు. భూమి కోసం, భుక్తి కోసం ఆమె సాగించిన పోరాటం నేటి తరానికి స్ఫూర్తిదాయకమని అన్నారు. అణగారిన వర్గాల హక్కుల కోసం ఐలమ్మ చేసిన పోరాటాన్ని స్మరించుకోవడం ప్రతి ఒక్కరి బాధ్యత అని పేర్కొన్నారు.

కార్యక్రమంలో రజక సంఘ నాయకులు కొమ్మనపల్లి యాదయ్య, యాదయ్య, స్వామి, గోపాల్, శ్రీను, జిల్లపల్లి స్వామి, శ్రీను, సత్తయ్య, కొమ్మనపల్లి కుమార్ తదితరులు పాల్గొన్నారు.