నారాయణఖేడ్ నియోజకవర్గంలో కంగ్టి మండల కేంద్రంలోని పాఠశాలలు, కళాశాలలకు తడ్కల్, జంగికే, జంగిబి, ముర్కుంజాల్, రాసోల్, గాంధీనగర్ తదితర గ్రామాల నుంచి ప్రతిరోజూ విద్యార్థులు వస్తున్నారు. ఉదయం కంగ్టికి చేరుకునేందుకు బస్సు సౌకర్యం ఉన్నప్పటికీ, సాయంత్రం కళాశాలలు ముగిసిన తర్వాత గ్రామాలకు వెళ్లేందుకు సరైన బస్సు లేక విద్యార్థులు ఇబ్బందులు పడుతున్నారు.కళాశాలలు సాయంత్రం 4 గంటలకు ముగిసినా, గతంలో 5 గంటల సమయంలో వచ్చే బస్సు ప్రస్తుతం 6 గంటలకు వస్తుండటంతో విద్యార్థులు గంటల తరబడి వేచి ఉండాల్సి వస్తోందని తెలిపారు. దీంతో గ్రామాలకు చేరుకునే సమయానికి రాత్రి 7 గంటలు అవుతోందని, ముఖ్యంగా విద్యార్థినులు తీవ్ర ఇబ్బందులు ఎదుర్కొంటున్నారని పేర్కొన్నారు.విద్యార్థుల భద్రత, సమయాన్ని దృష్టిలో ఉంచుకుని కళాశాలలు ముగిసిన వెంటనే గ్రామాలకు వెళ్లేలా సాయంత్రం ప్రత్యేక బస్సు ఏర్పాటు చేయాలని విద్యార్థులు ఆర్టీసీ అధికారులు, ప్రజాప్రతినిధులను కోరుతున్నారు. విద్యార్థుల ఇబ్బందులను దృష్టిలో పెట్టుకుని సమస్యను వెంటనే పరిష్కరించాలని విజ్ఞప్తి చేశారు.