రామన్నపేట,: తెలంగాణ ఉద్యమకారుల ఫోరం ఆధ్వర్యంలో హైదరాబాద్‌లోని Gun Park వద్ద నిర్వహించనున్న ‘చలో గన్‌పార్క్’ కార్యక్రమాన్ని విజయవంతం చేయాలని ఫోరం రాష్ట్ర ఉపాధ్యక్షుడు జోగు అంజన్న పిలుపునిచ్చారు.

రాష్ట్ర అధ్యక్షుడు Dr Cheem Srinivas ఆధ్వర్యంలో మార్చి 10న ఉదయం 10 గంటలకు ప్రారంభమయ్యే మిలియన్ మార్చ్‌లో రాష్ట్రంలోని 33 జిల్లాల ఉద్యమకారులు పెద్ద సంఖ్యలో పాల్గొనాలని కోరారు. తెలంగాణ రాష్ట్ర సాధన కోసం జరిగిన Million March 2011 Telanganaను స్ఫూర్తిగా తీసుకుని అమరులైన ఉద్యమకారులను స్మరించుకునే కార్యక్రమంగా దీన్ని నిర్వహిస్తున్నట్లు తెలిపారు.

ప్రభుత్వం మేనిఫెస్టోలో పేర్కొన్న విధంగా తెలంగాణ ఉద్యమకారులను గుర్తించి వారికి గుర్తింపు కార్డులు జారీ చేయాలని, 250 గజాల ఇంటి స్థలం, నెలకు రూ.25 వేల పెన్షన్ కల్పించాలని డిమాండ్ చేశారు. అలాగే రూ.10 వేల కోట్లతో ఉద్యమకారుల సంక్షేమ బోర్డు ఏర్పాటు చేసి, రైళ్లు, బస్సుల్లో ఉచిత ప్రయాణ సౌకర్యం కల్పించాలని కోరారు.

ఈ కార్యక్రమం అనంతరం హైదరాబాద్‌లోని Bashirbagh Press Clubలో అంతర్జాతీయ మహిళా దినోత్సవం సందర్భంగా మహిళా ఉద్యమకారిణులకు ఘనంగా సన్మానం చేయనున్నట్లు తెలిపారు.

ఈ విషయాన్ని జోగు అంజన్న విలేకరుల సమావేశంలో వెల్లడించారు. సమావేశంలో ఉమ్మడి నల్లగొండ జిల్లా అధ్యక్షుడు శీలం స్వామి, యాదాద్రి జిల్లా అధ్యక్షుడు కళాకారుల సంఘం మల్లం వెంకన్న, సీనియర్ ఉద్యమకారులు కొండూరు సత్తయ్య, కన్నెగంటి శ్రీనివాసచారి, పల్లెర్ల రామచంద్రం, పారుపల్లి నరసింహ తదితరులు పాల్గొన్నారు.