భువనగిరి: ప్రభుత్వ సాంఘిక సంక్షేమ గురుకుల పాఠశాలలో విద్యార్థులకు వృత్తి విద్యపై ప్రత్యేక శిక్షణ అందిస్తున్నారు. 9వ తరగతి నుంచి ఇంటర్ వరకు చదువుతున్న విద్యార్థులకు హెల్త్ కేర్, ప్లంబింగ్ రంగాల్లో మౌలిక అవగాహన కల్పిస్తూ ప్రాయోగిక శిక్షణ ఇస్తున్నారు.

వృత్తి నైపుణ్య శిక్షకురాలు బి. జ్యోతి ఆధ్వర్యంలో జరుగుతున్న ఈ కార్యక్రమంలో విద్యార్థులు ఉత్సాహంగా పాల్గొంటున్నారు. ప్లంబింగ్ పనులు, ప్రాథమిక ఆరోగ్య సమస్యలపై అవగాహన పెంపొందించుకోవడంతో పాటు స్వయం ఉపాధి వైపు దృష్టి సారిస్తున్నారు.

ఈ శిక్షణ ద్వారా విద్యార్థులకు వృత్తి విద్యలో మార్గదర్శనం లభిస్తుందని ఇంచార్జ్ ప్రిన్సిపాల్ రాజబోయిన వెంకన్న తెలిపారు. గురుకుల పాఠశాలల్లో విద్యతో పాటు నైపుణ్యాభివృద్ధికి కూడా ప్రాధాన్యం పెరుగుతోందని పేర్కొన్నారు.