ఆలేరు పట్టణంలోని టీజీఎస్‌డబ్ల్యూఆర్‌ఎస్ జూనియర్ కాలేజ్ (గర్ల్స్) హాస్టల్‌ను రెవెన్యూ అదనపు కలెక్టర్ వెంకారెడ్డి గురువారం సందర్శించారు.

ఈ సందర్భంగా హాస్టల్‌లో ఉన్న విద్యార్థుల సంఖ్య, సెలవుల సమయంలో తల్లిదండ్రులు వచ్చి తీసుకెళ్తున్నారా అనే అంశాలపై వివరాలు తెలుసుకున్నారు. అనంతరం విద్యార్థులతో కలిసి మధ్యాహ్న భోజనం చేసి, మెనూ ప్రకారం రుచికరమైన ఆహారం అందిస్తున్నారా, ఏవైనా సమస్యలు ఉన్నాయా అని అడిగి తెలుసుకున్నారు. అలాగే స్నాక్స్ విషయంలోనూ వివరాలు సేకరించారు.

విద్యార్థులకు మెనూ ప్రకారం నాణ్యమైన, రుచికరమైన భోజనం అందించాలని సంబంధిత అధికారులకు సూచించారు.

అనంతరం విద్యార్థులకు టీషర్ట్లు పంపిణీ చేశారు.

ఈ కార్యక్రమంలో సివిల్ సప్లైస్ అధికారి, హాస్టల్ స్పెషల్ అధికారి రోజారాణి, ప్రిన్సిపల్ వెంకటమ్మ, ఇతర అధికారులు పాల్గొన్నారు.