నూతన కమిటీని ప్రకటించిన జిల్లా వర్కింగ్ ప్రెసిడెంట్ వెంకటేష్

అఖిల భారత యువజన సమాఖ్య (ఏఐవైఎఫ్) చౌటుప్పల్ మండల నూతన కమిటీని సోమవారం నిర్వహించిన సమావేశంలో ఏకగ్రీవంగా ఎన్నుకున్నట్లు ఏఐవైఎఫ్ జిల్లా వర్కింగ్ ప్రెసిడెంట్ కొండూరి వెంకటేష్ తెలిపారు. ​మండల అధ్యక్షుడిగా గుండెబోయిన భాస్కర్, ప్రధాన కార్యదర్శి బరిగెల వేణు ఎన్నికయ్యారు. అలాగే ఉపాధ్యక్షుడిగా బద్దుల సాయితేజ, సహాయ కార్యదర్శిగా ఉడుత రాజు, కోశాధికారిగా నీళ్ల రాములను ఎన్నుకున్నారు. ​ఈ సందర్భంగా నూతన అధ్యక్ష, కార్యదర్శులు మాట్లాడుతూ.. చౌటుప్పల్ మండలంలో ఏఐవైఎఫ్ బలోపేతానికి నిరంతరం కృషి చేస్తామని స్పష్టం చేశారు. స్థానిక యువత ఎదుర్కొంటున్న సమస్యలపై నిలదీస్తూ, యువజన హక్కుల సాధన కోసం పోరాటాలను ఉధృతం చేస్తామని అన్నారు.