యాదాద్రి భువనగిరి, ఆగస్టు 3: తెలంగాణ ఉద్యమకారుల సంఘం యాదాద్రి భువనగిరి జిల్లా అధ్యక్షుడు గంధమళ్ల బాల్లయ్య గౌడ్ సోమవారం తెల్లవారుజామున సుమారు 3 గంటలకు గుండెపోటుతో కన్నుమూశారు. ఆయన మరణవార్తతో జిల్లా వ్యాప్తంగా తెలంగాణ ఉద్యమకారులు, ప్రజాప్రతినిధులు, అభిమానులు తీవ్ర దిగ్భ్రాంతికి గురయ్యారు.

తెలంగాణ రాష్ట్ర సాధన ఉద్యమంలో చురుకుగా పాల్గొన్న బాల్లయ్య గౌడ్ ఉద్యమకారుల సమస్యల పరిష్కారానికి నిరంతరం కృషి చేశారు. ఆయన సేవలను పలువురు ఉద్యమ నాయకులు గుర్తు చేసుకున్నారు. ఆయన మృతి ఉద్యమకారుల సంఘానికి తీరని లోటని పేర్కొన్నారు.

సంతాపం వెల్లువ

బాల్లయ్య గౌడ్ మృతికి వివిధ రాజకీయ, సామాజిక, ఉద్యమ సంఘాల నాయకులు ప్రగాఢ సంతాపం తెలిపారు. ఆయన ఆత్మకు శాంతి చేకూరాలని ప్రార్థిస్తూ, కుటుంబ సభ్యులకు తమ గాఢ సానుభూతిని తెలియజేశారు.