చిట్యాల మున్సిపల్ ఎన్నికల్లో చరిత్రాత్మక ఘట్టం చోటు చేసుకుంది. మున్సిపాలిటీ ఎన్నికల నామినేషన్లలో తొలిసారిగా ట్రాన్స్‌జెండర్ అభ్యర్థి నామినేషన్ దాఖలు చేయడం విశేషంగా నిలిచింది.

చిట్యాల మున్సిపాలిటీ 1వ వార్డు నుంచి నాగిళ్ల సుధాకర్ (ట్రాన్స్‌జెండర్) స్వతంత్ర అభ్యర్థిగా నామినేషన్ దాఖలు చేశారు. సమాజంలో ట్రాన్స్‌జెండర్లకు రాజకీయ ప్రాతినిధ్యం కల్పించాలనే లక్ష్యంతో తాను ఎన్నికల బరిలో నిలుస్తున్నట్లు ఆయన తెలిపారు.

ఈ సందర్భంగా స్థానికులు హర్షం వ్యక్తం చేస్తూ, ఇది సమానత్వం దిశగా ముందడుగుగా అభివర్ణించారు. ట్రాన్స్‌జెండర్ అభ్యర్థి నామినేషన్ చిట్యాల మున్సిపల్ ఎన్నికల్లో ప్రత్యేక ఆకర్షణగా మారింది.