చిట్యాల, జూలై 16: చిట్యాల పట్టణ చేనేత సహకార సంఘం అధ్యక్షుడిగా నూతనంగా ఎన్నికైన గంజి సుధాకర్‌ను ప్రభుత్వ విప్, నకిరేకల్ ఎమ్మెల్యే వేముల వీరేశం అభినందించారు. ఈ సందర్భంగా ఆయనకు శుభాకాంక్షలు తెలియజేసి, చేనేత కార్మికుల సంక్షేమం కోసం అంకితభావంతో పనిచేయాలని సూచించారు.సంఘ సభ్యులు తనపై ఉంచిన విశ్వాసాన్ని నిలబెట్టుకుంటూ, చేనేత సహకార సంఘం అభివృద్ధికి కృషి చేయాలని ఎమ్మెల్యే ఆకాంక్షించారు

. చేనేత రంగం గ్రామీణ ఆర్థిక వ్యవస్థకు వెన్నెముక వంటిదని పేర్కొన్న ఆయన, రాష్ట్ర ప్రభుత్వం చేనేత కార్మికుల సంక్షేమం మరియు రంగాభివృద్ధికి నిరంతరం అండగా ఉంటుందని తెలిపారు.

ఈ సందర్భంగా సంఘ ప్రతినిధులు, చేనేత కార్మికులు మరియు స్థానిక నాయకులు పాల్గొన్నారు.