రాష్ట్ర ప్రభుత్వం ప్రవేశపెట్టిన ‘చేయూత’ పెన్షన్ దరఖాస్తుల స్వీకరణ గడువును వచ్చే నెల (సెప్టెంబర్) 15వ తేదీ వరకు పొడిగించినట్లు చౌటుప్పల్ పురపాలక వర్గం ప్రకటించింది. ఈ మేరకు పురపాలక చైర్‌పర్సన్ మోగుదాల పావని రమేష్ గౌడ్ ఒక ప్రకటనలో తెలిపారు. ​హైదరాబాద్‌లో ప్రస్తుతం కొనసాగుతున్న సర్ ప్రక్రియతో పాటు, దివ్యాంగుల నుంచి పెద్దఎత్తున వచ్చిన విజ్ఞప్తులను పరిగణనలోకి తీసుకుని రాష్ట్ర పంచాయతీరాజ్, గ్రామీణాభివృద్ధి శాఖ మంత్రి సీతక్క ఆదేశాల మేరకు ప్రభుత్వం ఈ నిర్ణయం తీసుకుందని పేర్కొన్నారు.చౌటుప్పల్ పురపాలక సంఘం పరిధిలోని అర్హులైన ప్రజలందరూ ఈ పొడిగించిన గడువును సద్వినియోగం చేసుకోవాలని ఆమె కోరారు. ఇప్పటివరకు చేయూత పెన్షన్‌కు దరఖాస్తు చేసుకోని అర్హులు సెప్టెంబర్ 15, 2026 లోపు తమ వివరాలను సమర్పించాలని సూచించారు. అర్హులైన ప్రతి ఒక్కరికీ ఈ సమాచారం చేరేలా పురపాలక అధికారులు, సిబ్బంది, వార్డు ప్రజాప్రతినిధులు చొరవ చూపాలని చైర్‌పర్సన్, కమిషనర్ కోరారు.