11వ వార్షికోత్సవాల్లో పాల్గొన్న మాజీ ఎమ్మెల్యే

ఆలేరు: ఆలేరు పట్టణంలోని శ్రీ దుర్గామాత 11వ వార్షికోత్సవాలు శుక్రవారం భక్తిశ్రద్ధలతో నిర్వహించారు. ఈ ఉత్సవాల్లో మాజీ ప్రభుత్వ విప్, ఆలేరు మాజీ ఎమ్మెల్యే, నియోజకవర్గ ఇన్‌చార్జి గొంగిడి సునీత మహేందర్‌రెడ్డి పాల్గొని అమ్మవారిని దర్శించుకుని ప్రత్యేక పూజలు నిర్వహించారు.

అనంతరం రాష్ట్ర ప్రజలు సుఖశాంతులు, ఆయురారోగ్యాలతో ఉండాలని అమ్మవారిని ప్రార్థించారు. ఈ సందర్భంగా తెలంగాణ శాసన మండలి డిప్యూటీ చైర్మన్ బండ ప్రకాశ్ కూడా ఆలయానికి చేరుకుని ప్రత్యేక పూజలు చేశారు.

ఉత్సవాల్లో ఆలేరు పట్టణానికి చెందిన ప్రజాప్రతినిధులు, పార్టీ నాయకులు, కార్యకర్తలు, భక్తులు పెద్ద సంఖ్యలో పాల్గొన్నారు. ఆలయ ప్రాంగణం భక్తులతో కిక్కిరిసిపోగా, వార్షికోత్సవాలు ఆధ్యాత్మిక వాతావరణంలో ఘనంగా సాగాయి.