అగ్నిమాపక వారోత్సవాల్లో భాగంగా (ఏప్రిల్ 14 నుంచి 20 వరకు) బుధవారం స్థానిక చౌటుప్పల్ బస్టాండ్‌లో ఆర్టీసీ సిబ్బంది, ప్రయాణికులకు అగ్నిప్రమాదాలపై అవగాహన కార్యక్రమం నిర్వహించారు.​​ఈ సందర్భంగా చౌటుప్పల్ అగ్నిమాపక కేంద్ర అధికారి బి. శివాజీ మాట్లాడుతూ, ఎండలు తీవ్రంగా ఉన్నందున వేసవి కాలంలో అగ్నిప్రమాదాలు జరిగే అవకాశం ఎక్కువగా ఉంటుందని హెచ్చరించారు. ముఖ్యంగా కాలిపోతున్న అగ్గిపుల్లలు, బీడీలు, సిగరెట్లు ఆర్పకుండా పారవేయడం వల్ల ఎండుగడ్డికి నిప్పు అంటుకుని, ఆ మంటలు సమీపంలోని భవనాలకు, హోటళ్లకు వ్యాపించే ప్రమాదం ఉందని వివరించారు. ​ప్రతి ఒక్కరూ అగ్ని ప్రమాదాల పట్ల అప్రమత్తంగా ఉండాలని, తగిన జాగ్రత్తలు తీసుకోవాలని ఆయన కోరారు.

ఈ కార్యక్రమంలో అగ్నిమాపక సిబ్బంది ప్రజలకు ప్రమాద నివారణోపాయాలను ప్రత్యక్షంగా వివరించారు. ఈ అవగాహన కార్యక్రమంలో ఎల్.ఎఫ్.ఎఫ్ జి. నగేష్, సిబ్బంది కె. శేఖర్, జి. నాగరాజు, ఎ. రాజేష్ తదితరులు పాల్గొన్నారు.