నారాయణఖేడ్ స్థానికం ప్రతినిధి కృష్ణ

నాగల్ గిద్ద మండలం షాపూర్ గ్రామంలో ఉన్న అంగన్‌వాడీ కేంద్రంలోని చిన్నారుల శ్రేయస్సును దృష్టిలో ఉంచుకొని గ్రామ సర్పంచ్ జైశ్రీ జగన్నాథ్ పాటిల్ అంగన్వాడీ పాఠశాల పిల్లలకు ఏకరూప దుస్తుల పంపిణీ కార్యక్రమాన్ని నిర్వహించారు. ఈ సందర్భంగా చిన్నారులు ఒకే విధమైన దుస్తులు ధరించి ఆనందంగా పాల్గొనడం అందరి మనసులను ఆకట్టుకుంది.ఈ కార్యక్రమంలో ఉప సర్పంచ్ ప్రకాష్ పాటిల్ పాల్గొని గ్రామ అభివృద్ధిలో విద్యకు ప్రాధాన్యత ఇవ్వడం అభినందనీయం అని తెలిపారు.అలాగే నాగల్ గిద్ద మండల సామాజిక మాధ్యమాల అధ్యక్షుడు విజయ్ కుమార్ స్వామి, ప్రాథమిక పాఠశాల ప్రధానోపాధ్యాయుడు ఆనంద్ మాస్టర్,అంగన్వాడీ ఉపాధ్యాయిని పద్మ కార్యక్రమంలో పాల్గొని చిన్నారులను ప్రోత్సహించారు.ఈ సందర్భంగా గ్రామస్థులు పెద్ద సంఖ్యలో హాజరై పిల్లల విద్యా అభివృద్ధికి ఇలాంటి కార్యక్రమాలు కొనసాగాలని ఆకాంక్షించారు. ఈ కార్యక్రమం గ్రామంలో విద్యాభివృద్ధికి మంచి ఉదాహరణగా నిలిచింది.