సూర్యాపేట మండలంలోని యల్కారం గ్రామంలో ప్రాథమిక వ్యవసాయ సహకార పరపతి సంఘం ఆధ్వర్యంలో ఏర్పాటు చేసిన ధాన్యం కొనుగోలు కేంద్రాన్ని సూర్యాపేట జిల్లా కలెక్టర్ తేజస్ నందలాల్ పవార్, వ్యవసాయ మార్కెట్ కమిటీ చైర్మన్ కొప్పుల వేణారెడ్డి ప్రారంభించారు.

ఈ సందర్భంగా అధికారులు మాట్లాడుతూ రైతులు పండించిన ధాన్యాన్ని నేరుగా కొనుగోలు కేంద్రాలకు తీసుకువచ్చి ప్రభుత్వ మద్దతు ధర పొందాలని సూచించారు. రైతులకు ఎటువంటి ఇబ్బందులు లేకుండా కొనుగోలు ప్రక్రియను నిర్వహిస్తామని తెలిపారు.

ఈ కార్యక్రమంలో యల్కారం గ్రామ సర్పంచ్ కుంటిగొర్ల శ్రీనివాస్ యాదవ్, ఉప సర్పంచ్ రెడ్డి నాగిరెడ్డి, మార్కెట్ డైరెక్టర్ అబ్దుల్ కరీం, కాంగ్రెస్ పార్టీ నాయకుడు ఎలుగురి వీరయ్య గౌడ్, గ్రామ కాంగ్రెస్ పార్టీ సీనియర్ నాయకులు, సహకార సంఘం అధికారులు, కార్యకర్తలు పాల్గొన్నారు.