నకిరేకల్ నియోజకవర్గ పరిధిలోని చిట్యాల మున్సిపాలిటీ 09వ వార్డులో కొనసాగుతున్న వైన్ షాప్ కారణంగా ఏర్పడుతున్న సమస్యలపై స్థానిక మహిళలు సంఘటితంగా ముందుకొచ్చారు. మహిళలు, పిల్లల భద్రతకు ముప్పుగా మారుతున్న వైన్ షాప్‌ను తొలగించాలని కోరుతూ మహిళలు నకిరేకల్ ఎమ్మెల్యే వేములవీరేశంకువినతిపత్రంఅందజేశారు.నివాస ప్రాంతంలో వైన్ షాప్ కొనసాగడం వల్ల నిత్యం గందరగోళ పరిస్థితులు నెలకొంటున్నాయని, అసభ్య ప్రవర్తనతో మహిళలు తీవ్ర అసౌకర్యానికి గురవుతున్నారని వారు తెలిపారు. పిల్లలు స్వేచ్ఛగా బయటకు వెళ్లలేని పరిస్థితి ఏర్పడిందని, కుటుంబాల ప్రశాంత జీవనం దెబ్బతింటోందని మహిళలు ఆవేదన వ్యక్తం చేశారు.

సామాజిక బాధ్యతతో మహిళలు స్వయంగా ముందుకొచ్చి సమస్యను అధికారుల దృష్టికి తీసుకువెళ్లడం ప్రశంసనీయమని పలువురు అభిప్రాయపడ్డారు. మహిళల వినతిపై స్పందించిన ఎమ్మెల్యే వేముల వీరేశం సమస్యను పరిశీలించి తగిన చర్యలు తీసుకుంటామని హామీ ఇచ్చారు.మహిళల ఐక్యతతో వ్యక్తమైన ఈ నిరసన స్థానికంగా చర్చనీయాంశంగా మారింది.