పవన్ కళ్యాణ్‌ను కలుసుకోవాలన్న ఆశతో వెంకటేష్

నల్లగొండ పట్టణ కేంద్రంలోని గొల్లగూడ ప్రాంతానికి చెందిన వెంకటేష్, జనసేన పార్టీ అధినేత, ఆంధ్రప్రదేశ్ రాష్ట్ర డిప్యూటీ ముఖ్యమంత్రి పవన్ కళ్యాణ్‌కు వీరాభిమాని అని తెలిపారు. ఇటీవల విడుదలైన ఉస్తాద్ భగత్ సింగ్ సినిమా ఎంతో బాగుందని ఆయన అభిప్రాయం వ్యక్తం చేశారు.

దేశం కోసం పోరాడిన అమరవీరులను స్మరించుకుంటూ తెరకెక్కించిన ఈ చిత్రం తనను ఎంతో ప్రభావితం చేసిందని వెంకటేష్ పేర్కొన్నారు. యువత ఈ సినిమాను చూసి దేశభక్తిని పెంపొందించుకోవాలని ఆయన సూచించారు.

అలాగే పవన్ కళ్యాణ్ సిద్ధాంతాలు, నియమ నిబంధనలు యువత అనుసరిస్తే దేశంలో యువత భవిష్యత్ మరింత మెరుగ్గా ఉంటుందని అన్నారు. త్వరలోనే పవన్ కళ్యాణ్‌ను ప్రత్యక్షంగా కలుసుకుని ఆయన ఆశీర్వాదాలు తీసుకోవాలని తన కోరికగా వెల్లడించారు.