తిరుమలగిరి మండలంలోని కాంగ్రెస్ పార్టీ కార్యకర్తలకు అందుబాటులో ఉండి వారీకి అండగా ఉంటానని తిరుమలగిరి మండల పార్టీ అధ్యక్షుడు సుంకరి జనార్దన్ రెడ్డి అన్నారు. గురువారం మండల కేంద్రంలో ఎమ్మెల్యే క్యాంపు కార్యాలయంలో విలేకరుల సమావేశంలో మాట్లాడుతూ... కాంగ్రెస్ పార్టీలో ఎలాంటి వర్గ బేధాలు లేకుండా సమన్వయంతో కృషి చేస్తానని అన్నారు. కార్యకర్త అర్థరాత్రి ఫోన్ చేసిన కూడా లిఫ్ట్ చేసి వారి సమస్యలను పరిష్కరిస్తానని అన్నారు.కాంగ్రెస్ ప్రభుత్వం చేస్తున్న సంక్షేమ పథకాలు అర్హులైన అందరికీ అందేలా చేస్తానని అన్నారు. తుంగతుర్తి నియోజకవర్గ అభివృద్ధి ఎమ్మెల్యే మందుల సామేల్ తోనేసాధ్యమవుతుందని అన్నారు. నియోజక వర్గానికి రెండు వేల కోట్లతో అభివృద్ధి చేస్తున్నారని అన్నారు. అలాంటి వారిపై కొందరు నాయకులు విమర్శలు చేయడం సిగ్గుచేటు అని అన్నారు. గత ప్రభుత్వం లో గాని, 40 సంవత్సరాలు పాలించిన పాలకులు గాని తిరుమలగిరిలో ప్రభుత్వ జూనియర్ కళాశాల ఏర్పాటు చేయలేదు, మన స్థానిక ఎమ్మెల్యే మందుల సామేల్ ముఖ్యమంత్రి రేవంత్ రెడ్డి, మంత్రుల తో మాట్లాడి తిరుమలగిరికి ప్రభుత్వ జూనియర్ కళాశాల ఏర్పాటు చేశారని అన్నారు. ఎమ్మెల్యే మందుల సామేల్ ఒక సామాన్య రైతు కుటుంబానికి చెందిన వారుఅని తెలంగాణ ఉద్యమంలో పాల్గొని అన్ని గ్రామాలలో తిరిగి ప్రజల యొక్క సమస్యలను తెలుసుకున్న ఏకైక వ్యక్తి మందుల సామేలు అని అన్నారు.తుంగతుర్తి నియోజకవర్గంలో 21 కోట్ల రూపాయలతో వ్యయంతో సిసి రోడ్లు, బీట్ రోడ్లు ఏర్పాటు చేశారని, అంతేకాకుండా ప్రతి గ్రామంలో నూతన గ్రామపంచాయతీ భవనాలను ఏర్పాటు చేశారని, తుంగతుర్తి మండల కేంద్రంలో 100 పడకల ఆసుపత్రి గత ప్రభుత్వంలో సగం పనులు ఆపివేయడంతో ఎమ్మెల్యే ముఖ్యమంత్రి తోటి మంత్రుల తోటి మాట్లాడి 100 పడకల ఆస్పత్రిని నిర్మాణ పనులకోసం కృషి చేస్తున్నారని, తిరుమలగిరిలో 30 పడకల ఆసుపత్రిని నిర్మించారని అన్నారు. నిత్యం ప్రజల కోసం నిరంతరం కృషి చేస్తున్న ఎమ్మెల్యే సామెల్ అని అన్నారు. కాంగ్రెస్ ప్రభుత్వం సంక్షేమ పథకాలను ప్రజలోకి తీసుకువెళ్లి చేస్తున్న పథకాలను ప్రజలకు వివరించి రానున్న ఎంపీటీసీ జడ్పిటిసి ఎన్నికల్లో గెలుపు కోసం ప్రతి కార్యకర్త పార్టీ బలోపేతం కోసం కృషి చేయాలని పిలుపునిచ్చారు. ఈ కార్యక్రమంలో ప్రజా ప్రతినిధులు, ముఖ్య నాయకులు, కార్యకర్తలు పాల్గొన్నారు.