ఇంట్లో చోరీ.. రెండు గంటల్లోనే నిందితుడి అరెస్ట్

నాగోల్: నాగోల్ పోలీస్ స్టేషన్ పరిధిలోని ఆర్కే నగర్‌లో తాళం వేసి ఉన్న ఇంట్లో చోరీకి పాల్పడిన నిందితుడిని పోలీసులు కేవలం రెండు గంటల్లోనే అదుపులోకి తీసుకుని తమ చాకచక్యాన్ని చాటుకున్నారు.

పోలీసులు తెలిపిన వివరాల ప్రకారం.. ఇంటి తాళాలు పగులగొట్టి లోనికి ప్రవేశించిన దుండగుడు నగదు, బంగారం, వెండి వస్తువులతో పాటు గ్యాస్ సిలిండర్‌ను కూడా అపహరించాడు. బాధితులు వెంటనే నాగోల్ పోలీస్ స్టేషన్‌లో ఫిర్యాదు చేయడంతో ప్రత్యేక బృందాలు రంగంలోకి దిగి సీసీటీవీ ఫుటేజీలు, సాంకేతిక ఆధారాల సహాయంతో వేగంగా దర్యాప్తు చేపట్టాయి.

దర్యాప్తులో భాగంగా కేవలం రెండు గంటల్లోనే నిందితుడిని అదుపులోకి తీసుకుని చోరీకి గురైన నగదు, బంగారం, వెండి వస్తువులు, గ్యాస్ సిలిండర్‌ను స్వాధీనం చేసుకున్నారు. అనంతరం వాటిని బాధితులకు అప్పగించారు. కేసు దర్యాప్తు కొనసాగుతోందని పోలీసులు తెలిపారు.