టీయూడబ్ల్యూజేయు నారాయణఖేడ్ డివిజన్ నూతన కమిటీ ఎన్నికల్లో డివిజన్ అధ్యక్షుడిగా ఎన్‌టీవీ సత్యం ఎన్నిక కాగా, ఉపాధ్యక్షుడిగా సీనియర్ జర్నలిస్టు జి. విట్టల్ ఏకగ్రీవంగా ఎన్నికయ్యారు. రాష్ట్ర అధ్యక్షుడు పైసల్, జిల్లా అధ్యక్షుడు బండారి యాదగిరి, ఎలక్ట్రానిక్ మీడియా జిల్లా అధ్యక్షుడు ఆసిఫ్, జిల్లా ప్రధాన కార్యదర్శి రాహుఫ్ సమక్షంలో ఎన్నికల ప్రక్రియ నిర్వహించారు. ఈ సందర్భంగా నారాయణఖేడ్ డివిజన్ పరిధిలోని వివిధ మండలాలకు చెందిన జర్నలిస్టులు పాల్గొని నూతన కమిటీకి అభినందనలు తెలిపారు. ఉపాధ్యక్షుడిగా తనపై నమ్మకం ఉంచి ఏకగ్రీవంగా ఎన్నుకున్న రాష్ట్ర, జిల్లా నాయకత్వంతో పాటు జర్నలిస్టు మిత్రులందరికీ జి. విట్టల్ కృతజ్ఞతలు తెలిపారు. జర్నలిస్టుల సంక్షేమం, హక్కుల పరిరక్షణ కోసం అందరినీ కలుపుకొని పనిచేస్తానని ఆయన పేర్కొన్నారు.