రామన్నపేట మండలంలోని ఇంద్రపాలనగరం గ్రామంలో డప్పుల మోత.. భక్తుల సందడి.. బోనాల ఊరేగింపుతో ఇంద్రపాలనగరం పండుగ శోభను సంతరించుకుంది. శ్రీశ్రీశ్రీ ఇంద్రపాల మారెమ్మ తల్లి, పాపమ్మ తల్లి బోనాల వేడుకల్లో రామన్నపేట ఎస్‌ఐ గోపతి సతీష్‌ పాల్గొన్నారు. ఈ సందర్భంగా ఆయనను తెలంగాణ రాష్ట్ర సర్పంచుల ఫోరం జేఏసీ రాష్ట్ర కార్యదర్శి, ఇంద్రపాలనగరం సర్పంచ్ గర్ధాస్ విక్రమ్, ఉపసర్పంచ్ నల్ల జయసుధ స్వామి ఘనంగా సన్మానించారు.

గ్రామంలో బోనాల వేడుకలు ప్రశాంతంగా జరిగేలా పోలీసుల సహకారం అందించడం పట్ల సర్పంచ్ గర్ధాస్ విక్రమ్ కృతజ్ఞతలు తెలిపారు. భక్తిశ్రద్ధలతో నిర్వహించిన వేడుకల్లో గ్రామస్థులు పెద్ద సంఖ్యలో పాల్గొన్నారు.