సీతారామ ఫంక్షన్‌ హాల్‌లో భక్తిశ్రద్ధలతో నిర్వహణ.. పెద్ద ఎత్తున పాల్గొన్న భక్తులు

సీతారామ ఫంక్షన్‌ హాల్‌లో సంపూర్ణ భగవద్గీత పారాయణ కార్యక్రమాన్ని భక్తిశ్రద్ధలతో ఘనంగా నిర్వహించారు. ఈ సందర్భంగా భగవద్గీతలోని సమస్త అధ్యాయాలను పారాయణం చేస్తూ ఆధ్యాత్మిక వాతావరణాన్ని నెలకొల్పారు.

కార్యక్రమానికి భక్తులు పెద్ద సంఖ్యలో హాజరై భగవద్గీత పారాయణంలో పాల్గొన్నారు. భగవద్గీత బోధనలు మానవ జీవితానికి మార్గదర్శకంగా నిలుస్తాయని నిర్వాహకులు పేర్కొన్నారు. నిత్య జీవితంలో ధర్మం, కర్తవ్యనిష్ఠ, ఆధ్యాత్మిక చింతనను పెంపొందించుకోవాలని సూచించారు. పారాయణం అనంతరం భక్తులకు తీర్థప్రసాదాలు అందజేశారు. కార్యక్రమంలో నిర్వాహకులు, ఆధ్యాత్మికవేత్తలు, భక్తులు పెద్ద సంఖ్యలో పాల్గొన్నారు.