మునుగోడు శాసనసభ్యులు కోమటిరెడ్డి రాజగోపాల్ రెడ్డి తనయుడు, సుశీ ఇన్‌ఫ్రాస్ట్రక్చర్స్ మేనేజింగ్ డైరెక్టర్ (ఎండీ) కోమటిరెడ్డి సంకీర్త్ రెడ్డి జన్మదినాన్ని పురస్కరించుకుని ఆయనకు పలువురు నాయకులు శుభాకాంక్షలు తెలిపారు. శంషాబాద్ విమానాశ్రయంలో సంకీర్త్ రెడ్డిని చౌటుప్పల్ పురపాలక సంఘం వైస్ చైర్మన్ గోశిక వినయ్ కుమార్, యువజన కాంగ్రెస్ మునుగోడు నియోజకవర్గ అధ్యక్షుడు అబ్బనబోయిన రాము యాదవ్ సాదరంగా కలుసుకున్నారు.​ఈ సందర్భంగా ఆయనకు పుష్పగుచ్ఛం అందించి, శాలువాతో ఘనంగా సత్కరించి పుట్టినరోజు శుభాకాంక్షలు తెలియజేశారు. ఆయన నిండు నూరేళ్లూ ఆయురారోగ్యాలతో వర్ధిల్లాలని, ప్రజలకు మరింత సేవ చేసే శక్తి భగవంతుడు ప్రసాదించాలని ఆకాంక్షించారు. ఈ కార్యక్రమంలో లెంకల్లపల్లి ఉప సర్పంచ్ మెతరి శంకర్, నాయకులు దాడి యశ్వంత్ రెడ్డి, పున్న మహేష్ తదితరులు పాల్గొన్నారు.