సూర్యాపేట స్థానిక ప్రధాన ప్రతినిధి :

సూర్యాపేట మండలం చివ్వెంల – ఉండ్రుగొండ సమీపంలోని శ్రీ స్వామినారాయణ్ గురుకుల్ పాఠశాలలో 2025–26 విద్యా సంవత్సరానికి గాను గురుకుల్ ఒలింపిక్స్ క్రీడలు ఘనంగా ప్రారంభమయ్యాయి. ఈ కార్యక్రమంలో పూజ్యపాద్ మంత్రస్వరూప్ దాస్ జీ స్వామీజీ, పాఠశాల ప్రిన్సిపల్ సి.హెచ్. శ్రీనివాస్ ఆనంద్, డైరెక్టర్ హార్దిక్ ఒలింపిక్ క్రీడాజ్యోతిని వెలిగించి క్రీడోత్సవాలను ప్రారంభించారు. ఈ సందర్భంగా ప్రిన్సిపల్ సి.హెచ్. శ్రీనివాస్ ఆనంద్ మాట్లాడుతూ, విద్యార్థులు క్రీడా స్ఫూర్తితో పోటీల్లో పాల్గొనాలని సూచించారు. క్రీడలు విద్యార్థులలో మానసిక, శారీరక అభివృద్ధికి దోహదపడతాయని పేర్కొన్నారు. ఈ గురుకుల్ ఒలింపిక్స్ క్రీడోత్సవాల్లో యూకేజీ నుంచి 9వ తరగతి వరకు చదువుతున్న విద్యార్థులు వివిధ క్రీడా పోటీల్లో పాల్గొన్నారు. క్రీడా కార్యక్రమాల నిర్వహణలో పాఠశాల శారీరక విద్య ఉపాధ్యాయులు, ఉపాధ్యాయ బృందం కీలక పాత్ర పోషించారు.