శ్రీ సత్యసాయి జిల్లా పెనుకొండ నియోజకవర్గం గోరంట్లలో పవర్‌లూమ్ కార్మికులకు ఉచిత విద్యుత్ హామీ అమలు చేసిన సందర్భంగా సీఎం నారా చంద్రబాబు నాయుడు చిత్రపటానికి పాలాభిషేకం నిర్వహించారు. ఈ కార్యక్రమాన్ని తెలుగుదేశం పార్టీ రాష్ట్ర కార్యదర్శి నిమ్మల ఆంబరీష్ ఆధ్వర్యంలో చేపట్టారు.

ఈ సందర్భంగా కార్మికులు తమ ఉచిత విద్యుత్ బిల్లులను చూపిస్తూ సీఎం చంద్రబాబు, మంత్రి నారా లోకేశ్ మరియు కూటమి ప్రభుత్వానికి కృతజ్ఞతలు తెలిపారు.

నిమ్మల ఆంబరీష్ మాట్లాడుతూ, ఇచ్చిన మాట ప్రకారం ఉచిత విద్యుత్ పథకం అమలు చేస్తున్నారని తెలిపారు. ఈ పథకం ద్వారా మగ్గం నేతన్నలకు నెలకు రూ.720, సంవత్సరానికి రూ.8,640; మరమగ్గం కుటుంబాలకు నెలకు రూ.1,800, సంవత్సరానికి రూ.21,600 లబ్ధి కలుగుతోందన్నారు. రాష్ట్రవ్యాప్తంగా వేలాది చేనేత కుటుంబాలు ఈ పథకం కింద లబ్ధి పొందుతున్నాయని చెప్పారు.

అలాగే 50 ఏళ్లు నిండిన ప్రతి చేనేత కార్మికుడికి నెలకు రూ.4,000 పెన్షన్ అందిస్తున్నామని తెలిపారు.

ఈ కార్యక్రమంలో కూటమి నాయకులు, కార్యకర్తలు, స్థానిక గ్రామస్తులు పెద్ద సంఖ్యలో పాల్గొన్నారు.