రామన్నపేట మండలంలోని ఇంద్రపాలనగరం: గ్రామంలో పవిత్ర రంజాన్ మాసాన్ని పురస్కరించుకొని ఇంద్రపాలనగరం మజీద్‌లో ముస్లిం సోదరులకు సర్పంచ్ గర్ధాస్ విక్రమ్ ఇఫ్తార్ విందు ఏర్పాటు చేశారు. ఈ సందర్భంగా ఆయన మాట్లాడుతూ రంజాన్ మాసం పరస్పర సౌహార్దం, సహనం, సోదరభావాన్ని పెంపొందించే పవిత్ర కాలమని తెలిపారు. గ్రామంలో అన్ని మతాల ప్రజలు ఐక్యంగా ఉండాలని ఆకాంక్షించారు.

ఈ కార్యక్రమంలో ఉపసర్పంచ్ నల్ల జయసుధ స్వామి, వార్డ్ సభ్యులు, యువనాయకుడు సింగణబోయిన గణేష్ యాదవ్, ముస్లిం మత పెద్దలు, ముస్లిం సోదరులు, గ్రామ పెద్దలు, యువకులు తదితరులు పాల్గొన్నారు.