సోదరభావానికి ప్రతీకగా డోన్ బోస్కో హై స్కూల్లో ఇఫ్తార్

యాదాద్రి భువనగిరి జిల్లా రామన్నపేట పట్టణంలోని డోన్ బోస్కో హై స్కూల్లో ఆదివారం పవిత్ర రంజాన్ మాసాన్ని పురస్కరించుకుని ఇఫ్తార్ విందు ఘనంగా నిర్వహించారు. పాఠశాల కరస్పాండెంట్ చిట్టిబాబు ఆధ్వర్యంలో జరిగిన ఈ కార్యక్రమంలో ముస్లిం సోదరులతో కలిసి ప్రత్యేక ప్రార్థనలు చేశారు.

ఈ సందర్భంగా వారు మాట్లాడుతూ రంజాన్ మాసం ఉపవాసం, ప్రార్థనలు, దానం, సహనం వంటి గొప్ప విలువలకు ప్రతీకగా నిలిచే పవిత్ర కాలమని పేర్కొన్నారు. సమాజంలో సోదరభావం, ఐక్యత పెంపొందించే పండుగగా రంజాన్ నిలుస్తుందని తెలిపారు. మైనార్టీ సోదరులకు రంజాన్ శుభాకాంక్షలు తెలియజేశారు.

ఈ కార్యక్రమంలో పాఠశాల ప్రిన్సిపల్ పి. జనార్దన్ రావు, ముస్లిం మత పెద్దలు, రామన్నపేటపట్టణ కాంగ్రెస్ అధ్యక్షులు మొహమ్మద్ జమీరుద్దీన్ రామన్నపేట ఈద్గా కమిటీ చైర్మన్ మొహమ్మద్ వహీద్ ఎనిమిదో వార్డు సభ్యులు మొహమ్మద్ అంజత్ బొడ్డు సురేందర్ రావు మహమ్మద్ మన్సురలి మొహమ్మద్ అన్వర్ మీర్జా ఇనాయతుల బేగ్ మహమ్మద్ షఫీ మొహమ్మద్ రఫీ దిన్ మొహమ్మద్ ఖాదీర్ మొహమ్మద్ జానీ మొహమ్మద్ తాహిర్ మొహమ్మద్ రిజ్వాన్ మొహమ్మద్ ఆరిఫ్ తదితరులు పాల్గొన్నారు