రెడ్లకుంట గ్రామంలో ఘనంగా సీతారామచంద్రస్వామి కళ్యాణం.

కోదాడ మండల పరిధిలోని రెడ్లకుంట గ్రామం రామాలయ ఆవరణలో దేవాలయ చైర్మన్ సాదినేని అప్పారావు ఆధ్వర్యంలో సీతారామచంద్రస్వామి కళ్యాణం కనులవిందుగా శుక్రవారం నిర్వహించారు. ఈ సందర్భంగా భక్తులు పెద్ద ఎత్తున పాల్గొని సీతారామచంద్రస్వామి కళ్యాణాన్ని తిలకించారు. అనంతరం ఏర్పాటు చేసిన అన్నదాన కార్యక్రమంలో భక్తులు పాల్గొన్నారు. ఈ కార్యక్రమంలో సీనియర్ నాయకులు మాజీ డిసిసిబి చైర్మన్ ముత్తవరపు పాండురంగారావు, మాజీ ఎంపీపీ మల్లెల రాణి బ్రహ్మయ్య, సీనియర్ నాయకులు కనగాల నాగేశ్వరరావు, మల్లెల పుల్లయ్య, పలువురు నాయకులు, గ్రామస్తులు, తదితరులు పాల్గొన్నారు.