ఉగాది వేళ మోత్కూర్లో ప్రత్యేక సంబరాలు

శతాబ్దాల సంప్రదాయం.. అమ్మవారికి బోనాలు, బలులు

యాదాద్రి భువనగిరి జిల్లా మోత్కూర్ లో ఉగాది పండుగను ప్రత్యేక సంప్రదాయాలతో ఘనంగా నిర్వహించడం శతాబ్దాల నుంచి కొనసాగుతోంది.

ఉగాది సందర్భంగా గ్రామస్థులు ముత్యాలమ్మకు బోనాలు సమర్పించి, కోళ్లు, మేకలను బలి ఇస్తూ భక్తి శ్రద్ధలతో పూజలు నిర్వహిస్తారు. చుక్కా, ముక్క ఆచారాలతో పాటు ఎడ్ల బండ్లు, వాహనాలను గ్రామంలో తిప్పుతూ ఉత్సాహంగా సంబరాలు జరుపుకుంటారు.

పూర్వ కాలంలో గ్రామంలో మశూచి వ్యాధి ప్రబలిన సమయంలో అమ్మవారి కృపతో గ్రామం రక్షించబడిందని విశ్వసిస్తూ, ఆ జ్ఞాపకార్థం ప్రతి ఉగాది రోజున ఈ ఉత్సవాలను నిర్వహించడం ఆనవాయితీగా కొనసాగుతోందని గ్రామ పెద్దలు తెలిపారు.