ఉద్యమకారుల గుర్తింపుకు చర్యలు వేగవంతం చేయాలి

తెలంగాణ ఉద్యమకారుల గుర్తింపుకు సంబంధించి విధివిధానాలను త్వరగా అమలు చేయాలని తెలంగాణ ఉద్యమకారుల ఫోరం నాయకులు రాష్ట్ర మంత్రి పొన్నం ప్రభాకర్ ను కోరారు. గురువారం ఆయనను మర్యాదపూర్వకంగా కలిసి శుభాకాంక్షలు తెలిపారు.

ఈ సందర్భంగా తెలంగాణ ఉద్యమకారుల గుర్తింపు కోసం రూపొందించిన విధివిధానాల డ్రాఫ్ట్ కాపీని మంత్రి పొన్నం ప్రభాకర్‌కు ఫోరం నాయకులు అందజేశారు. తెలంగాణ ఉద్యమకారుల ఫోరం రాష్ట్ర అధ్యక్షుడు Dr. చీమ శ్రీనివాస రావు అధ్యక్షతన జరిగిన ఈ కార్యక్రమంలో TUF కేంద్ర కమిటీ సభ్యులు పాల్గొన్నారు.

అలాగే తెలంగాణ ఉద్యమకారుల ఫోరం రాష్ట్ర ఉపాధ్యక్షుడు జోగు అంజన్న తో పాటు పలువురు ఉద్యమకారులు హాజరయ్యారు. ఉద్యమకారుల గుర్తింపుకు ప్రభుత్వం తగిన చర్యలు తీసుకోవాలని వారు కోరారు.

మంత్రి పొన్నం ప్రభాకర్ సానుకూలంగా స్పందించి ఉద్యమకారుల సమస్యలను పరిశీలిస్తామని హామీ ఇచ్చినట్లు ఫోరం నాయకులు తెలిపారు.