పెంపుడు కుక్క కడుపులో ప్లాస్టిక్ కవర్లు

కోదాడ లో అరుదైన ఘటన

ఈ మధ్య కాలంలో ప్లాస్టిక్ భూతం భారిన పడిన ఆవులు, గొర్రెలు, కోళ్లు గురించిన కథనాలు విన్నాము. అవన్నీ మరువనే లేదు ఇప్పుడు కుక్కల పొట్టలో సైతం ప్లాస్టిక్ సంచులు బైటకు వస్తున్నాయి. ఇంకా భవిష్యత్ లో ప్లాస్టిక్ వ్యర్థాలు ఎన్ని వింతలు ప్రమాదాలు సృష్టిస్తాయో చూడాల్సిందే.

వివరాల్లోకి కోదాడ పట్టణం నివాసి ఒకరు తాను పెంచుకునే పెంపుడు కుక్కని పక్కన అతను కర్రతో కొట్టాడడం తో తొడ బొక్కలు విరిగి బాధపడుతుంటే వైద్యం కోసం ప్రాంతీయ పశువైద్యశాలకు తీసుకు వచ్చారు.

పరిశీలించిన అసిస్టెంట్ డైరెక్టర్ డా. పి పెంటయ్య , కుక్క కాలులో విరిగిన బొక్కలు అతికించడానికి పిన్/ రాడ్ వేయడం కోసం తొలి సెడేషన్ ఇవ్వగా ఉదయం తాగిన పాలతో పాటు పెద్ద ప్లాస్టిక్ సంచి వాంతుల్లో బైటకు రావడం చూపరులకు ఆశ్చర్యం వేసింది. అది కూడా ఎవరో టిఫిన్ తెచ్చుకొని తిని మిగిలిన చట్ని తో కవర్ పడవేయగా పల్లి చట్ని వాసనకు ఆకర్షితమైన కుక్క కవరు తో సహా ఉదయం కడుపులోకి వెళ్లి ఉంటుంది. అనుకోకుండా కాలు విరగడం వైద్యం కోసం మత్తు ఇవ్వడంతో ప్లాస్టిక్ సంచి బైటకు వచ్చింది కానీ లేకపోతే రెండు మూడు రోజుల్లో దాని కడుపు నొప్పి భరించలేక ఎక్స్ రే తీసి పొట్ట కోసి ఆపరేషన్ ద్వారా పేగుల నుండి కవర్ ని బైటకు తీయాల్సి వచ్చేది.

కాలు విరిగినందుకు ఒకింత బాధలో ఉన్నా , అనుకోకుండా బైటకు పొట్ట బైటకు వచ్చిన ప్లాస్టిక్ కవరు అతిపెద్ద ప్రమాదాన్ని తొలగించడంతో సంబరపడిపోయాడు యజమాని.

ప్లాస్టిక్ కవరు బైటకు వచ్చిన అనంతరం విరిగిన కుక్క కాలుకి పిన్నంగ్ వేసి ప్లాస్టర్ ఆఫ్ పారిస్ తో సిమెంట్ కట్టు వేసి కుక్కకి ఉపశమనం కల్పించారు .అనంతరం అసిస్టెంట్ డైరెక్టర్ మాట్లాడుతూ ఇంట్లో మనుష్యుల కంటే అత్యంత ప్రేమతో ఆడుకుంటున్న పెంపుడు కుక్కల యజమానులు , ప్లాస్టిక్ వ్యర్థాలతో ఏమాత్రం అజాగ్రత్తగా ఉన్నా అవి బాధపడడం మాత్రమే కాక వాటిని చూస్తూ యజమానులు సైతం దుఃఖించాల్సి వస్తుందని, యజమానులు తమ ఇళ్లలో వాడి పడేసే ప్లాస్టిక్ కవర్ల విషయం లో అత్యంత జాగ్రత్త వహించి అవి కుక్కలకు అందుబాటులో లేకుండా చూడాలని అన్నారు.

చికిత్సా కార్యక్రమములో సిబ్బంది రాజు, చంద్రకళ, కర్ణ పాల్గొన్నారు.