ముంబై నగరంలోని బ్రీచ్ క్యాండీ ఆసుపత్రిలో చికిత్స పొందుతూ ప్రముఖ గాయని ఆశా భోస్లే (92) కన్నుమూశారు. ఆమె మరణ వార్తతో సినీ సంగీత ప్రపంచం శోకసంద్రంలో మునిగిపోయింది.1933లో మహారాష్ట్ర రాష్ట్రంలోని సాంగ్లీ పట్టణంలో ఆశా భోస్లే జన్మించారు. బాల్యంనుంచే సంగీతంపై ఆసక్తి పెంచుకుని, వేలాది పాటలతో తన ప్రత్యేక ముద్ర వేశారు. ఆమె ప్రముఖ గాయని లతా మంగేష్కర్ సోదరిగా కూడా ప్రసిద్ధి చెందారు.తన గాన ప్రస్థానంలో ఆశా భోస్లే ఏడు సార్లు ఫిల్మ్ ఫేర్ పురస్కారాలు అందుకున్నారు. అలాగే రెండు సార్లు జాతీయ ఉత్తమ గాయని అవార్డులు కైవసం చేసుకున్నారు. 2000 సంవత్సరంలో ఆమెకు భారత సినీ రంగంలోని అత్యున్నత గౌరవమైన దాదాసాహెబ్ ఫాల్కే పురస్కారం ప్రదానం చేశారు.అదేవిధంగా 2008లో దేశంలోని రెండవ అత్యున్నత పౌర పురస్కారం అయిన పద్మ విభూషణ్ను అందుకుని గౌరవాన్ని చాటుకున్నారు.ఆశా భోస్లే మరణంతో భారతీయ సంగీతానికి తీరని లోటు ఏర్పడిందని పలువురు సినీ, రాజకీయ ప్రముఖులు సంతాపం వ్యక్తం చేస్తున్నారు. ఆమె గాత్రం తరతరాల పాటు సంగీతాభిమానుల హృదయాల్లో నిలిచిపోతుందని అభిమానులు పేర్కొంటున్నారు.