24 గంటల పాటు సరఫరా నిలిపివేత

భువనగిరిలోని హన్మాపూర్ పోలీస్ హెడ్‌క్వార్టర్స్ సమీపంలో 900 మిమీ డి.ఐ పైప్‌లైన్‌లో భారీ లీకేజ్ సంభవించింది. ఈ నేపథ్యంలో అత్యవసర మరమ్మత్తు పనులు బుధవారం ఉదయం చేపట్టనున్నట్లు అధికారులు తెలిపారు.

ఈ పనుల కారణంగా ఆత్మకూర్, భువనగిరి, బిబినగర్, వలిగొండ, తుర్కపల్లి, యాదగిరిగుట్ట, బొమ్మలరామారం, మోటకొండూరు, పోచంపల్లి, రామన్నపేట మండలాల పరిధిలోని 242 గ్రామాలకు తాత్కాలికంగా నీటి సరఫరా నిలిపివేయబడుతుంది.

ఈ అంతరాయం సుమారు 24 గంటల పాటు కొనసాగవచ్చని అధికారులు తెలిపారు. ప్రజలు ఇబ్బందులు ఎదుర్కొనకుండా స్థానికంగా తాగునీటి ప్రత్యామ్నాయ వనరులు ఏర్పాటు చేయాలని సంబంధిత శాఖలకు సూచించారు.

ఈ అసౌకర్యానికి క్షమాపణలు తెలుపుతూ సహకరించాలని కోరారు.