సంక్రాంతి సంబరాలకు భోగారం సిద్ధం

పాఠశాల ఆవరణలో ముగ్గుల పోటీలు, చిన్నారుల నృత్య ప్రదర్శన

స్థానికం ప్రధాన ప్రతినిధి

సంక్రాంతి పండుగను పురస్కరించుకుని భోగారం గ్రామంలో రంగుల సంబరాలకు ఏర్పాట్లు పూర్తయ్యాయి. రేపు (13–01–2026, మంగళవారం) గ్రామ పాఠశాల ఆవరణలో గ్రామ సర్పంచ్ కునూరు సాయికుమార్ గౌడ్ ఆధ్వర్యంలో ముగ్గుల పోటీలుతో పాటు చిన్నారుల నృత్య ప్రదర్శన కార్యక్రమం నిర్వహించనున్నారు.

మహిళలు, యువతులు, విద్యార్థినిలు, చిన్నారులు, పెద్దలు—మొత్తం మహిళలోకం ఈ సంక్రాంతి సంబరాల్లో భాగస్వాములై గ్రామీణ సంప్రదాయాలకు జీవం పోయాలని సర్పంచ్ విజ్ఞప్తి చేశారు. ముగ్గుల పోటీల్లో ప్రతిభ కనబరిచిన వారికి ప్రథమ, ద్వితీయ బహుమతులు అందజేయడంతో పాటు, కార్యక్రమాల్లో పాల్గొన్న ప్రతి ఒక్కరికీ చిరు కానుకలు ఇవ్వనున్నట్లు తెలిపారు.

గ్రామీణ సంస్కృతి, పండుగల ఐక్యతను చాటిచెప్పేలా ఈ కార్యక్రమాలు నిర్వహిస్తున్నామని, గ్రామ ప్రజల సహకారంతో వీటిని విజయవంతం చేయాలని ఆయన కోరారు.

గమనిక: ముగ్గుల పోటీలో పాల్గొనేవారు తమకు అవసరమైన రంగులను స్వయంగా తీసుకురావాలి.

సమయం: ఉదయం 9 గంటలకు ప్రారంభం