క్రీడలు మానసిక ప్రశాంతతతో పాటు ఆత్మస్థైర్యాన్ని పెంపొందిస్తాయని చౌటుప్పల్‌ నారాయణ హైస్కూల్‌ ప్రిన్సిపాల్‌ నవనీత తెలిపారు. నారాయణ ప్రీమియర్‌ లీగ్‌ (ఎన్‌పీఎల్‌) లో భాగంగా గురువారం స్థానిక పాఠశాల ప్రాంగణంలో బ్రాంచ్‌ లెవెల్‌ క్రీడా పోటీలను నిర్వహించారు. ఈ సందర్భంగా ప్రిన్సిపాల్‌ మాట్లాడుతూ.. నారాయణ విద్యాసంస్థల్లో చదువుతో పాటు క్రీడలకు అత్యంత ప్రాధాన్యమిస్తామని పేర్కొన్నారు. ఈ బ్రాంచ్‌ స్థాయిలో ప్రతిభ చూపి ఎంపికైన విద్యార్థులకు సూర్యాపేటలో నిర్వహించే జోనల్‌ లెవెల్‌ పోటీల్లో పాల్గొనే అవకాశం ఉంటుందని వెల్లడించారు.​ఈ కార్యక్రమంలో వైస్‌ ప్రిన్సిపాల్‌ క్రాంతి మాధవి, డీన్‌ వెంకన్న, ఏవో బాతరాజు వెంకటేశం, పీఈటీ నవీన్‌, ఉపాధ్యాయులు, విద్యార్థులు పాల్గొన్నారు.