నారాయణఖేడ్, స్థానికం ప్రతినిధి కృష్ణ:సంగారెడ్డి జిల్లా నారాయణఖేడ్ మున్సిపాలిటీ ఎన్నికల ప్రక్రియలో కీలకమైన దశ పూర్తయింది. మున్సిపాలిటీ పరిధిలోని వార్డులకు సంబంధించి రిజర్వేషన్లను అధికారులు ఖరారు చేశారు. తాజాగా ప్రకటించిన రిజర్వేషన్ జాబితాతో స్థానిక రాజకీయాల్లో చర్చలు జోరందుకున్నాయి.

ఖరారైన రిజర్వేషన్ల ప్రకారం ఎస్సీ, ఎస్టీ, బీసీ, అన్‌రిజర్వ్డ్ విభాగాలకు వార్డులను కేటాయించారు. మహిళలకు కూడా ప్రత్యేకంగా రిజర్వేషన్లు ఖరారు కావడంతో ఆశావహుల్లో ఉత్సాహం కనిపిస్తోంది.

వార్డుల వారీగా రిజర్వేషన్ వివరాలు ఇలా ఉన్నాయి :

ఎస్టీ (UR) : 5వ వార్డు

ఎస్సీ (SC) : 6వ వార్డు

ఎస్సీ మహిళ (SC-W) : 2వ వార్డు

బీసీ (BC) : 7, 13 వార్డులు

బీసీ మహిళ (BC-W) : 3, 10 వార్డులు

అన్‌రిజర్వ్డ్ (UR) : 4, 8, 9, 12 వార్డులు

అన్‌రిజర్వ్డ్ మహిళ (UR-W) : 1, 11, 14, 15 వార్డులు

రిజర్వేషన్లు ఖరారు కావడంతో ఆయా వార్డుల్లో పోటీ చేసే అభ్యర్థులపై స్పష్టత వచ్చే అవకాశం ఉంది. రాజకీయ పార్టీలతో పాటు స్వతంత్ర అభ్యర్థులు కూడా తమ వ్యూహాలను సిద్ధం చేసుకునే పనిలో పడ్డారు. రానున్న రోజుల్లో నారాయణఖేడ్ మున్సిపల్ రాజకీయాలు మరింత వేడెక్కనున్నాయని స్థానికులు చర్చించుకుంటున్నారు.