జాతీయ సమైక్యతకు సంకేతం గణేష్ ఉత్సవాలు: డిజీఎం వెంకటరమణారెడ్డి

వినాయక చవితి పండగను పురస్కరించుకుని పట్టణంలోని నారాయణ హైస్కూల్‌లో శుక్రవారం గణపతి హోమం, పూజా కార్యక్రమాలను భక్తిశ్రద్ధలతో నిర్వహించారు. ఈ వేడుకలకు ముఖ్య అతిథిగా హాజరైన నారాయణ విద్యాసంస్థల డిజీఎం వెంకటరమణారెడ్డి స్వామివారికి ప్రత్యేక పూజలు నిర్వహించారు.

​అనంతరం ఆయన మాట్లాడుతూ.. స్వాతంత్ర్య ఉద్యమ కాలంలో ప్రజలందరినీ ఏకం చేసి, పోరాట పటిమను పెంచేందుకు లోకమాన్య బాలగంగాధర తిలక్ గణేష్ ఉత్సవాలను ప్రారంభించారని గుర్తుచేశారు. నాడు తిలక్ నాటిన ఆ సమైక్యతా బీజమే నేడు దేశమంతటా మహా ఉత్సవంగా వికసించిందన్నారు. నాటి నుంచి నేటి వరకు ఈ ఉత్సవాలు సంస్కృతీ సాంప్రదాయాలకు, జాతీయ సమైక్యతకు ప్రతీకగా నిలుస్తున్నాయని తెలిపారు. విఘ్నేశ్వరుని ఆశీస్సులతో ప్రజలందరూ సుఖసంతోషాలతో, పాడిపంటలతో వర్ధిల్లాలని 'సర్వేజనా సుఖినోభవంతు' అని ఆకాంక్షించారు.​ఈ కార్యక్రమంలో పాఠశాల ఏజీఎం శ్రీనివాసరెడ్డి, ప్రిన్సిపాల్స్ నవనీత, దివ్య, నరేష్, కోఆర్డినేటర్లు రవిశంకర్, సునీత, హర్ష, వైస్ ప్రిన్సిపాల్స్ హసీనా, క్రాంతి, అనూష, ఉపాధ్యాయులు, విద్యార్థులు పాల్గొన్నారు.