నలగొండ మహాత్మా గాంధీ యూనివర్సిటీ ఆధ్వర్యంలో శుక్రవారం నిర్వహించిన అంతర కళాశాల కబడ్డీ పోటీలు హోరాహోరీగా సాగాయి. బాలుర విభాగంలో కోదాడ కె ఆర్ ఆర్ ప్రభుత్వ డిగ్రీ కళాశాల జట్టు ప్రథమ స్థానం, నల్లగొండ ఎంజి కాలేజీ జట్టు ద్వితీయ స్థానం సాధించింది. బాలికల విభాగంలో చర్లపల్లి సోషల్ వెల్ఫేర్ డిగ్రీ కళాశాల ప్రథమ, భువనగిరి ఎస్ఎల్ఎన్ఎస్ డిగ్రీ కళాశాల ద్వితీయ స్థానాల్లో నిలిచాయి. విజేతలకు మహాత్మా గాంధీ యూనివర్సిటీ వీసీ ఆచార్య ఖాజా అల్తాఫ్ హుస్సేన్ బహుమతులు అందజేశారు. ఈ సందర్భంగా ఆయన మాట్లాడారు.. విద్యార్థులు చదువుతోపాటు క్రీడల్లోనూ రాణించాలన్నారు.