నల్గొండ పట్టణంలోని అద్దంకి బైపాస్ రోడ్డులో అత్యాధునిక సౌకర్యాలతో ‘సన్ రైజ్ కార్ సర్వీసెస్’ మల్టీ బ్రాండ్ కార్ వర్క్‌షాప్‌ను శనివారం ఘనంగా ప్రారంభించారు. చర్లపల్లి హైవే రోడ్డులోని టయోటా షోరూమ్ ఎదురుగా ఏర్పాటు చేసిన ఈ కేంద్రం వాహనదారులకు అందుబాటులోకి వచ్చింది.

ఈ సందర్భంగా నిర్వాహకులు కాదరి శ్రీనివాస్, పి. ప్రవీణ్, కె. గణేష్ మాట్లాడుతూ, నల్గొండ జిల్లా వ్యాప్తంగా కార్ల యజమానులకు నాణ్యమైన, నమ్మకమైన సేవలను ఒకే చోట అందించాలనే లక్ష్యంతో ఈ వర్క్‌షాప్‌ను ఏర్పాటు చేసినట్లు తెలిపారు.

ఇక్కడ అన్ని ప్రముఖ కంపెనీల కార్లకు అనుభవజ్ఞులైన మెకానిక్‌ల ద్వారా తక్కువ ఖర్చుతో నాణ్యమైన సర్వీసింగ్ అందిస్తామని చెప్పారు. జనరల్ సర్వీస్‌తో పాటు బాడీ షాప్ పనులు, ఏసీ, ఎలక్ట్రికల్ రిపేర్లు, అత్యాధునిక వాటర్ వాష్ సౌకర్యాలు కల్పించినట్లు వివరించారు.

అదేవిధంగా పెరుగుతున్న ఎలక్ట్రిక్ వాహనాల వినియోగాన్ని దృష్టిలో ఉంచుకుని ప్రత్యేక ఈవీ సర్వీసింగ్ విభాగాన్ని కూడా ఏర్పాటు చేసినట్లు తెలిపారు.

సర్వీసింగ్‌తో పాటు పాత కార్ల కొనుగోలు, అమ్మకాలు, ఎక్స్ఛేంజ్ సదుపాయం, ఇన్సూరెన్స్ క్లెయిమ్స్, రెన్యూవల్స్ సేవలు కూడా ఇక్కడే అందుబాటులో ఉంటాయని పేర్కొన్నారు. తక్కువ సమయంలో మెరుగైన సేవలు అందిస్తామని, వాహనదారులు ఈ సదుపాయాన్ని వినియోగించుకోవాలని కోరారు.