మోత్కూర్‌లో నిర్వహించిన శ్రీ సీతారాముల కళ్యాణ మహోత్సవం భక్తి పరవశంతో ఘనంగా జరిగింది. ఈ కార్యక్రమంలో మోత్కూర్ మున్సిపాలిటీ వైస్ చైర్మన్ పల్లెర్ల వెంకన్న, 3, 4వ వార్డ్ కౌన్సిలర్ సుల్తాన్ స్వామి కొండ శోభ సోమల్లు పాల్గొన్నారు.

ఈ సందర్భంగా శ్రీ ప్రసన్న ఆంజనేయ స్వామి ఆలయ కమిటీ ఆధ్వర్యంలో అతిథులను శాలువాలతో సన్మానించారు. కమిటీ అధ్యక్షుడు అంబటి సోమయ్య, ఉపాధ్యక్షుడు దండబోయిన వెంకన్న, తొంట అబ్బులు, ప్రధాన కార్యదర్శి బుడిగె శ్రీను మరియు ఇతర సభ్యులు కార్యక్రమాన్ని సమన్వయం చేశారు.

ఈ వేడుకలో గ్రామ పెద్దలు, భక్తులు పెద్ద సంఖ్యలో హాజరై కార్యక్రమాన్ని విజయవంతం చేశారు. భక్తి గీతాలు, మంగళ వాయిద్యాలతో ఆలయ ప్రాంగణం ఆధ్యాత్మిక వాతావరణంతో కళకళలాడింది.