రామన్నపేట:

పదవ తరగతి ఫలితాల్లో రామన్నపేట మండలంలో గర్ల్స్ హై స్కూల్ విద్యార్థులు అత్యుత్తమ ప్రతిభ కనబరిచారు. మండల స్థాయిలో బాలికలు మొదటి స్థానంలో నిలవడం విశేషం కాగా, బాలురు ద్వితీయ స్థానంలో నిలిచారు. ప్రభుత్వ పాఠశాలైన గర్ల్స్ హై స్కూల్ ఈ ఫలితాలు సాధించడం పట్ల ఉపాధ్యాయులు, తల్లిదండ్రులు ఆనందం వ్యక్తం చేస్తున్నారు.

టాపర్స్ వివరాలు:

బోడ సాత్విక – 553 మార్కులు

బండ ఉమామహేశ్వరి – 543 మార్కులు

భూతం రాధిక – 539 మార్కులు

ఈ సందర్భంగా క్లాస్ టీచర్ సృజనకుమారి విద్యార్థులను అభినందించారు. ఎంఈఓ గవ్వ జ్యోతి మాట్లాడుతూ, పాఠశాల ఉపాధ్యాయులు క్రమశిక్షణతో విద్యార్థులకు నాణ్యమైన బోధన అందించడంతో పాటు ‘వందేమాతరం’, ‘సుమధుర ఫౌండేషన్’ సహకారంతో ఉదయం, సాయంత్రం ప్రత్యేక తరగతులు నిర్వహించడం వల్లే ఈ విజయాలు సాధ్యమయ్యాయని తెలిపారు.

ప్రభుత్వ పాఠశాలలూ సరైన మార్గదర్శకత్వం, కృషితో మెరుగైన ఫలితాలు సాధించగలవని ఈ ఫలితాలు మరోసారి నిరూపించాయని ఆమె పేర్కొన్నారు.