-రైతుల సమస్యలపై ఆరా

స్థానిక మార్కెట్ యార్డ్‌లో ఏర్పాటు చేసిన ధాన్యం కొనుగోలు కేంద్రాన్ని శనివారం ఎమ్మెల్యే మరియు ఎంపీ శ్యామల కిరణ్ కుమార్ రెడ్డి,ప్రభుత్వ విప్ బీర్ల ఐలయ్య కలిసి సందర్శించారు.ఈ సందర్భంగా కేంద్రంలో జరుగుతున్న కొనుగోలు ప్రక్రియను సమగ్రంగా పరిశీలించి,అక్కడి ఏర్పాట్లపై అధికారులతో సమీక్ష నిర్వహించారు.కేంద్రంలో ధాన్యం తూకం,నాణ్యత పరీక్షలు,రికార్డుల నిర్వహణ,చెల్లింపుల విధానం వంటి అంశాలను అధికారులు వివరించగా,రైతులకు ఎలాంటి ఇబ్బందులు లేకుండా పారదర్శకంగా కొనుగోలు ప్రక్రియ కొనసాగించాలని ప్రజాప్రతినిధులు స్పష్టం చేశారు.ముఖ్యంగా రైతుల నుండి ధాన్యం సకాలంలో కొనుగోలు చేసి,చెల్లింపులు ఆలస్యం కాకుండా చూడాలని ఆదేశించారు.ఈ సందర్భంగా రైతులతో నేరుగా మాట్లాడిన ప్రజాప్రతినిధులు,వారి సమస్యలను తెలుసుకున్నారు.తేమ శాతం పేరుతో ధాన్యం తిరస్కరించడం,తూకాల్లో లోపాలు,చెల్లింపుల ఆలస్యం వంటి అంశాలపై రైతులు తమ ఆవేదన వ్యక్తం చేశారు.దీనిపై స్పందించిన ఎమ్మెల్యే,ఎంపీలు వెంటనే సంబంధిత అధికారులకు సమస్యలను పరిష్కరించాలని సూచించారు.రైతులకు న్యాయం జరిగేలా చర్యలు తీసుకుంటామని హామీ ఇచ్చారు.అలాగే కొనుగోలు కేంద్రంలో తాగునీరు,నీడ,విశ్రాంతి సదుపాయాలు వంటి కనీస వసతులు కల్పించాలన్నారు.రైతులు సౌకర్యవంతంగా తమ ధాన్యం విక్రయించుకునేలా అన్ని ఏర్పాట్లు చేయాలని అధికారులను ఆదేశించారు.ఈ కార్యక్రమంలో స్థానిక ఎమ్మార్వో ఆంజనేయులు,ప్రజాప్రతినిధులు,మార్కెట్ కమిటీ సూపర్వైజర్ ఎస్.శ్రీనివాస్,సెంటర్ ఇన్‌చార్జ్ స్వామి పాల్గొన్నారు.అధికారులు, సిబ్బంది,రైతులు పెద్ద సంఖ్యలో హాజరయ్యారు.