యాదాద్రి భువనగిరి జిల్లా, బొమ్మలరామారం మండలం మైలారం గ్రామానికి చెందిన కాంగ్రెస్ పార్టీ సీనియర్ నాయకులు, మాజీ సర్పంచ్ బండ వెంకటేష్ గారి సతీమణి ఆకస్మిక గుండెపోటుతో మృతి చెందడం పట్ల గ్రామంలో తీవ్ర విషాదం నెలకొంది.

ఈ విషాద వార్త తెలుసుకున్న ఎమ్మెల్యే బీర్ల ఐలయ్య మైలారం గ్రామానికి చేరుకుని ఆమె మృతదేహానికి నివాళులర్పించారు. అనంతరం బండ వెంకటేష్ కుటుంబ సభ్యులను పరామర్శించి ప్రగాఢ సానుభూతి తెలిపారు.

ఈ సందర్భంగా ఎమ్మెల్యే మాట్లాడుతూ మృతురాలి ఆత్మకు శాంతి చేకూరాలని ప్రార్థిస్తూ, కుటుంబ సభ్యులకు ధైర్యం చెప్పారు. ఈ క్లిష్ట సమయంలో కుటుంబానికి తాము అండగా ఉంటామని హామీ ఇచ్చారు.