కూసుమంచి:

కూసుమంచి ప్రాంతంలో నూతనంగా ఏర్పాటు చేసిన దేవాలయ ప్రాంగణంలో శ్రీ సీతారాముల వారి కళ్యాణ మహోత్సవం కన్నుల పండుగలా నిర్వహించారు. భక్తిశ్రద్ధలతో జరిగిన ఈ వేడుకలకు గ్రామస్తులు పెద్ద సంఖ్యలో హాజరై భక్తి పరవశంలో మునిగిపోయారు.

ఈ కళ్యాణోత్సవాన్ని చోడవరపు రమేష్ దంపతులు, వారి కుటుంబ సభ్యులు భక్తి భావంతో నిర్వహించారు. కార్యక్రమం పూజారి శేషగిరి శర్మ ఆధ్వర్యంలో ప్రారంభమై, ముందుగా నవగ్రహ పూజలు నిర్వహించారు. అనంతరం జిలకర బెల్లం కార్యక్రమం జరిపి, వేద మంత్రోచ్ఛరణల మధ్య శ్రీ సీతారాముల కళ్యాణం ఘనంగా నిర్వహించారు.

ఈ కార్యక్రమంలో దేవాలయ సర్పంచ్ రవీందర్ రెడ్డి, చెన్నా మోహన్, దేవాలయ కమిటీ సభ్యులు, గ్రామ పెద్దలు, మహిళలు, యువత పాల్గొని కార్యక్రమాన్ని విజయవంతం చేశారు.