కుక్కల వైద్యం లో డైపర్ల వాడకం ప్రారంభం

అంటువ్యాధుల నివారణకు మరియు పరిశుభ్రతకై ప్రాంతీయ పశువైద్యశాల కోదాడలో పార్వో వ్యాధి సోకిన కుక్కలకు డైపర్ల వాడకం ప్రయోగాత్మకంగా ప్రారంభించారు.

కోదాడ పట్టణం పరిసర మండలాల నుండి గత కొద్దిరోజులుగా పార్వో వైరస్ సోకిన కుక్కలు దుర్వాసనతో కూడిన వాంతులు రక్తపు విరేచనాలతో వైద్యం కోసం పస్గువైద్యశాలకు వస్తున్నాయి. పట్టణంలో కొంత అవగాహనతో సకాలంలో టీకాలు వేస్తుండగా ఈ వ్యాధి పట్టణంలోని కుక్కల్లో తక్కువగానే ఉంది. కానీ గ్రామీణ ప్రాంతాల్లో యజమానులు సకాలంలో టీకాలు వేయించక వ్యాధి సోకి కుక్కలు తీవ్ర అనారోగ్యానికి గురైన తరువాత వైద్యం కోసం కోదాడ వస్తున్నారు. వైద్యశాలలో చికిత్సా సమయంలో వాంతులు విరేచనాలు కావడం ఆవరణ అంతా దుర్గంధం తో ఇబ్బందిగా ఉండడమే కాకుండా ఇతర చికిత్సలకోసం వచ్చిన కుక్కలకు కూడా వాంతులు విరేచనాల అవశేషాల వలన పార్వో వైరస్ సోకి వ్యాధి పట్టణం లోని కుక్కలకు కూడా వ్యాపించే ప్రమాదం ఉండడం తో దీనిని నివారించడానికి పార్వో సోకిన కుక్కలకు డైపర్ తొడిగి, టేబుల్స్ పై డైపర్ షీట్ వాడడం ద్వారా వ్యాధి నివారణ అరికట్టవచ్చని యజమానులకు అసిస్టెంట్ డైరెక్టర్ డా.పి పెంటయ్య అవగాహన కల్పించి ఈరోజు వైద్యం కోసం జబ్బుతో వచ్చిన కుక్కలకు డైపర్ లు తొడిగి చికిత్స అందించారు.

మునగాల మండల కేంద్రం నుండి వచ్చిన జంతు యజమానులు నర్మద, నాగరాజు తదితరులు మాట్లాడుతూ వ్యాధి సోకిన కుక్క నాలుగురోజుల క్రితం ఇంట్లో విరోచనాలు చేసుకోగా ఇప్పటికీ ఇంట్లో వాసనగా ఉందని ఈరోజు డైపర్ వాడకంతో కుక్కవద్ద ఎలాంటి వాసన లేదని ఈ పద్ధతి బాగుందని ఇకనుండి ఇదే పద్దతి పాటించి ఇంట్లో సైతం పరిసరాలను పరిశుభ్రంగా ఉంచుకుంటామని తెలిపారు.

అసిస్టెంట్ డైరెక్టర్ మాట్లాడుతూ కుక్కల్లో పార్వో వైరస్ పారుడు వాంతుల వ్యాధి అతి ప్తమాడకరమని, నెలల వయస్సు నుండి పెద్ద కుక్కలవరకు అన్నీ ఈ వ్యాధి భారిన పడే ప్రమాదం ఉందని, మొదటి నెల రెండవ నెలలో వ్యాధినిరోధక టీకాలు వేయించి ఆ తరువాత ప్రతీ సంవత్సరం టీకా వేయిస్తే కుక్కలు ఈ జబ్బు బారిన పడవని సూచించారు. వ్యాధి సోకిన కుక్కలకు కేవలం పదిహేను రూపాయల వ్యయంతో డైపర్ లు మరియు పడకకు డైపర్ షీట్స్ లను వేయడం ద్వారా ప్రమాదకరమైన పార్వో వైరస్ ఇంట్లో మరియు వైద్యానికి వచ్చినప్పుడు పశువైద్యశాలల్లో వైరస్ వ్యాప్తి చెందకుండా ఉంటుందని ఇకనుండి వాంతులు విరోఛనాలతో వైద్యం కోసం కుక్కలను తీసుకు వచ్చే యజమానులు విధిగా డైపర్ మరియు డైపర్ షీట్స్ వాడేలా ప్రోత్సహించి పార్వో వైరస్ వ్యాధి వ్యాప్తిని అరికడతామని అన్నారు

చికిత్సా కార్యక్రమములో సిబ్బంది చంద్రకళ, కర్ణ పాల్గొన్నారు