గరిడేపల్లి మండలానికి చెందిన ఓ పెంపుడు కుక్క గజ్జల్లో పెరిగిన భారీ కణితితో బాధపడుతుండటంతో కోదాడ ప్రాంతీయ పశువైద్యశాలకు తీసుకొచ్చారు. హాస్పిటల్ అసిస్టెంట్ డైరెక్టర్ డా. పి. పెంటయ్య ఆధ్వర్యంలో వైద్యులు విజయవంతంగా శస్త్రచికిత్స నిర్వహించి, సుమారు కిలో బరువున్న కణితిని తొలగించారు. ఆపరేషన్ తర్వాత కుక్క కోలుకోవడంతో యజమానులు ఆనందం వ్యక్తం చేశారు. ఈ చికిత్సలో సిబ్బంది సాయికృష్ణ, చంద్రకళ పాల్గొన్నారు.