గ్యాస్ సరఫరాలో తలెత్తిన సమస్యల కారణంగా గృహ, వాణిజ్య అవసరాల కోసం ఇచ్చే కొత్త గ్యాస్ కనెక్షన్ల మంజూరును ఆయిల్ సంస్థలు నిలిపివేశాయి. కొత్త దరఖాస్తుల స్వీకరణను కూడా తాత్కాలికంగా నిలిపివేసినట్లు సమాచారం.ఇప్పటికే అందిన దరఖాస్తులను సైతం పెండింగ్‌లో ఉంచినట్లు తెలుస్తోంది. ‘మహాలక్ష్మి’ పథకం కింద వచ్చిన దరఖాస్తుల పరిస్థితి కూడా ఇదే విధంగా ఉంది. సంస్థలు ఆమోదం తెలపకపోవడంతో ప్రభుత్వం కూడా ఈ ప్రక్రియను నిలిపివేసినట్లు అధికారులు పేర్కొంటున్నారు. ప్రస్తుతం గ్యాస్ కొరత తీవ్రంగా ఉండటంతో ఈ నిర్ణయం తీసుకున్నట్లు తెలుస్తోంది. ముఖ్యంగా ఇరాన్ - అమెరికా సంయుక్త రాష్ట్రాలు మధ్య ఉద్రిక్త పరిస్థితులు కొనసాగుతుండటంతో సరఫరా దెబ్బతిందని అధికారులు వివరిస్తున్నారు.

సరఫరా పరిస్థితులు సాధారణ స్థితికి చేరుకున్న తర్వాత కొత్త కనెక్షన్ల మంజూరు పునఃప్రారంభమయ్యే అవకాశముందని తెలిపారు.