కొమ్మాయిగూడెం గ్రామంలో ఎస్ఎఫ్ఐ, డివైఎఫ్ఐ ఆధ్వర్యంలో భగత్‌సింగ్ 95వ వర్ధంతి కార్యక్రమాన్ని నిర్వహించారు.

ఈ సందర్భంగా హైస్కూల్, ప్రైమరీ స్కూల్, అంగన్‌వాడీ కేంద్రంలో భగత్‌సింగ్ చిత్రపటానికి పూలమాలలు వేసి నివాళులు అర్పించారు. ఎస్ఎఫ్ఐ మాజీ మండల నాయకుడు శానగొండ వెంకటేశ్వర్లు మాట్లాడుతూ.. భగత్‌సింగ్ దేశ స్వాతంత్ర్యం కోసం పోరాడిన మహానుభావుడని, ఆయన స్ఫూర్తితో విద్యార్థులు ఉన్నత విద్యను అభ్యసించాలని సూచించారు.

విద్యార్థులు చెడు అలవాట్లకు దూరంగా ఉండి సమాజానికి ఉపయోగపడేలా ఎదగాలని పిలుపునిచ్చారు. భగత్‌సింగ్ ఆశయాలను ముందుకు తీసుకెళ్లేందుకు యువత కృషి చేయాలని అన్నారు.

అనంతరం విద్యార్థులకు పండ్లు పంపిణీ చేశారు.

ఈ కార్యక్రమంలో డివైఎఫ్ఐ మండల అధ్యక్షుడు శానగొండ రామచంద్రం, గ్రామ అధ్యక్షుడు జల్లెల మల్లేశం, కార్యదర్శి ఆకిటి శ్రీను, ఎస్ఎఫ్ఐ నాయకుడు సాత్విక్ తదితరులు పాల్గొన్నారు.